Sut i ddod yn Rhedwr
Sut i gael eich pig i mewn
Mae llawer o Redwyr yn dod o hyd i'w swydd rhedwr cyntaf ‘go iawn' o ganlyniad uniongyrchol i leoliad profiad gwaith llwyddiannus. Mae'r llwybyr hyn yn arbed amser ac arian i gyflogwyr, ac mae hefyd yn cael gwared ar gyfran helaeth o'r risg o recriwtio person ‘anhysbys'.
Mae rhai pobl yn llwyddo i drefnu lleoliadau mewn sawl lle gwahanol, gan ennill profiad gwirioneddol o wneud rhaglenni neu ffilmiau drwy fod yn bobl sy'n ddefnyddiol iawn eu cael o gwmpas.
Daw eraill o hyd i waith drwy argymhelliad personol, neu drwy gadw eu clustiau ar agor a gwneud cais gyda CV a llythyr cyflwyniadol.
Sut i sefyll allan
Gall cystadleuaeth fod yn ffyrnig, ond bydd CV trefnus yn agor drysau ac yn dangos eich bod yn deall y gwaith a'ch bod yn frwdfrydif am y diwydiant. Mae cyflogwyr yn hoffi gweld pobl drefnus â ffocws, sydd â synnwyr realistig o'u cryfderau a'u huchelgeisiau. Mewn cyfweliad, dylai ymgeiswyr da ddangos eu bod yn gwybod beth a ddisgwylir ganddynt fel Rhedwr. Felly gwnewch eich gwaith cartref!
Unwaith y dewch o hyd i swydd fel Rhedwr, dylech wneud pob ymdrech i wneud y swydd yn dda dros ben. Mae'r rhan fwyaf o gyflogwyr yn hapus iawn i helpu Rhedwyr i ddysgu sgiliau penodol, ond rhaid i Redwyr wybod pryd a sut i ofyn am hyn. Mae'n rhaid i chi gofio mai eich swydd yw eich blaenoriaeth gyntaf.
Mae ble fyddwch yn dechrau yn gallu dylanwadu'n fawr ar ble y byddwch yn cyrraedd, felly mae'n bwysig gwneud eich ymchwil a sicrhau eich bod yn dechrau mewn swydd sy'n arwain at ddatblygiad gyrfa go iawn.