Chwiliwch am y cwrs cyfryngau gorau i chi
Bydd bas data newydd, gwell Skillset yn eich cynorthwyo i ddod o hyd i'r cyrsiau byr a chyrsiau gradd gorau yn y maes cyfryngau creadigol, gan roi'r sgiliau angenrheidiol i chi dorri i mewn neu symud ymlaen yn y Diwydiannau Cyfryngau Creadigol.
Neu, os ydych yn edrych am ddosbarth nos i ddatblygu'ch diddordeb mewn ffotograffiaeth, mae dewis eang o gyrsiau i chi hefyd! Mae miloedd o gyrsiau cyfryngau ar y bas data.
Ond rhai cannoedd yn unig o gyrsiau sydd wedi'u clustnodi gan y diwydiant a Skillset fel y rhai mwyaf addas i ddatblygu'ch gyrfa yn y cyfryngau, neu'ch paratoi i gael dechrau da yn y diwydiant.
Rydym wedi trefnu'r cyrsiau gyda chymeradwyaeth y diwydiant yn dri categori:
- *Y Tic - Dewis Doeth: cyrsiau gradd a sefydliadau mwyaf addas i'ch paratoi am swydd yn y cyfryngau creadigol, gyda chymeradwyaeth y diwydiant, ac wedi derbyn Tic Skillset
- Adeiladu eich MA: cyrsiau cyfryngau byr, hyblyg ar gyfer pobl broffesiynol yn y diwydiant. Gellir eu huno er mwyn creu cymhwyster ôl-raddedig
- Cyrsiau dan nawdd Skillset: cyrsiau sy'n darparu'r sgiliau sydd eu hangen ar y diwydiant ar hyn o bryd, dan nawdd Skillset fel bod modd i chi eu fforddio.
Mae'r canlyniadau chwilio ar gyfer y cyrsiau a gymeradwywyd gan y diwydiant wedi'u hamlygu, gyda chysylltiadau ychwanegol yn gosod y wybodaeth angenrheidiol ar flaen eich bysedd, gan gynnwys proffil swyddi cyfryngau, astudiaethau achos perthnasol a chysylltiadau at nawdd sydd ar gael.
Mae ein bas data cyrsiau newydd hefyd yn cynnig ystod o nodweddion newydd eraill:
- Mwy o ffyrdd i chwilio, gan gynnwys drwy Academi Skillset, y dyddiad yr ydych am astudio, a phori drwy ystod o wahanol gategorïau
- Nodi a rhannu tudalennau a thanysgrifio i'n newyddion
- Tanysgrifio i newyddion cwrs Adeiladu eich MA a'r cynigion diweddaraf
- Cofrestru proffil er mwyn eich galluogi i arbed cyrsiau ar restr a thanysgrifio at e-gylchlythyrau Skillset
Gallwch hefyd newid y cefndir ar y wefan at eich dant personol!