Trosglwyddo eich sgiliau
Weithiau, gall fod yn anodd rhestru pa sgiliau sydd gennych. Os ydych wedi gadael yr ysgol, efallai nad ydych yn hollol siwr o'ch cryfderau. Yn yr un modd, os ydych yn gweithio ar hyn o bryd mewn diwydiant arall, efallai nad ydych yn siwr a oes modd i chi drosglwyddo eich sgiliau presennol.
Un ffordd dda o ganolbwyntio eich meddwl yw i edrych yn ôl ar y swyddi eraill yr ydych wedi'u gwneud yn y gorffennol, neu pa brosiectau yr oeddech wedi ymwneud â hwy fel myfyriwr, ac atgoffa eich hun am yr hyn yr oeddech wedi'i fwynhau a'r hyn oedd yn anodd neu'n llafurus.
Mae'n debygol y bydd y profiadau yr ydych wedi'u hennill hyd yn hyn yn dweud llawer wrthych am y cyfeiriad y dylech ei gymryd. Os ydych yn dal i deimlo'n ansicr, gofynnwch i ffrind neu berthynas yr ydych yn ymddiried ynddynt beth maen nhw'n meddwl yw eich cryfderau. Defnyddiwch y ddogfen isod i asesu pa sgiliau sydd gennych.
Mae'r math yma o restr wirio yn helpu i roi hwb i'ch hyder, a hefyd yn eich helpu i gyflwyno'ch hun yn y ffordd orau bosib i gyflogwyr, drwy ganolbwyntio yn agosach ar realiti bob dydd yr hyn y bydd yn rhaid i chi ei wneud mewn swydd benodol. Er enghraifft, os ydych yn gweithio'n dda o dan bwysau neu yn drefnus iawn, mae hynny'n wych; ond os nad ydych, byddai'n well i chi beidio ag ymgymryd â gyrfa lle yr ystyrir y rhain yn sgiliau hanfodol.
Wrth restru eich cryfderau, profiadau, cymwysterau, hoffterau a chas bethau, cewch eich synnu gan gymaint o sgiliau trosglwyddadwy sydd gennych yn barod!
Defnyddiwch ein dogfen 
What skills do you have? i ddechrau'r broses.
If your computer has the relevant software, click the document icons or document titles to view the relevant document. Right-click (PC) or hold your mouse-button down (Mac) on the document icon/title, you'll be given the option to save the file to disk. If you don't have the necessary software to view the documents, take the above links to download free reader programs.